Müdafiə Sənayesi Nazirliyi “QFAB-250 LG” aviasiya bombasını ilk dəfə “IDEF-2019” sərgisində nümayiş etdirir » Hərbiand

Son Dəqiqə:

Müdafiə Sənayesi Nazirliyi “QFAB-250 LG” aviasiya bombasını ilk dəfə “IDEF-2019” sərgisində nümayiş etdirir

Müdafiə Sənayesi Nazirliyinin (MSN) müəssisələrində yaradılan “QFAB-250 LG” aviasiya bombasının inert nümunəsi İstanbulda keçirilən “IDEF-2019” sərgisində ilk dəfə nümayiş etdirilir və böyük maraqla qarşılanır.

Herbi.and Azərtaca istinadən xəbər verir ki, lazer güdümlü, 250 kiloqram çaplı qəlpəli-fuqaslı aviasiya bombası nazirliyin Elmi-Tədqiqat İnstitutu ilə Türkiyənin “ASELSAN” şirkətinin birgə hazırladığı layihə əsasında yaradılıb. Aviasiya bombasının üç ədəd inert nümunəsi artıq hazırdır, bu nümunələrin sınaqlarının keçirilməsi planlaşdırılır. İnert nümunələrin sınaqları yekunlaşdıqdan sonra döyüş nümunələrinin sınaqlarının həyata keçirilməsi nəzərdə tutulur.

Uzunluğu 3300 millimetr, diametri 240 millimetr, kütləsi 270 kiloqram olan “QFAB-250 LG” aviasiya bombaları 12000 metrədək məsafədən hədəfi maksimum 10 metr sapma ilə vurmaq imkanı verəcək.

“QFAB-250 LG” aviasiya bombası NATO standartlarına uyğun yaradılıb. Bu məmulat daxili tələbat və ixrac üçün nəzərdə tutulur.

Şərh Yaz