Türkiyəni zəlzələ SİLKƏLƏDİ

Türkiyənin Van vilayətində 6 dəqiqə ara ilə 3.8 və 4.1 bal gücündə zəlzələlər qeydə alınıb.

Herbiand.az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Qısamüddətli narahatlığa səbəb olan zəlzələlər dağıdıcı təsir göstərməyib.

Məlumata görə, yerli vaxtla saat 17: 59-da episentri Tusba olan 3.8 bal gücündə zəlzələ qeydə alınıb. 7 kilometr dərinlikdə meydana gələn zəlzələ Van şəhərinin mərkəzində və bölgələrində hiss edilib.

Bundan 6 dəqiqə sonra, saat 18: 05-də yenidən Tusbada yerləşən 4.1 gücündə başqa bir zəlzələ meydana gəlib. Bu zəlzələnin dərinliyi 7.02 kilometr olub.

Copy link
Powered by Social Snap