Advertisment

Rus ordusu yeni texnikalar alıb

Avqustun 2-də qeyd olunan Hava-desant Qüvvələri Günü ərəfəsində “Kurqanmaşzavod” BMD-4M hava-desant döyüş maşınları və BMP-3 piyada döyüş maşınlarının partiyasını təhvil verib.

“Rostex” silah klasterinin sənaye direktoru Bekhan Ozdoyevin sözlərinə görə, BMD-4M-in yeni partiyası əlavə mühafizə ilə təchiz edilib.

BMD-4M “Sadovnitsa” BMD-4-ün yeni gövdə, mühərrik, şassi və digər komponentlərlə modernləşdirilmiş versiyasıdır. BMD-4M-nin əsas silahlanmasına 34 yüksək partlayıcı parçalanma mərmisi olan 100 mm-lik silah və dörd “Arkan” idarə olunan raket daxildir. Həmçinin, müxtəlif təyinatlı 500 mərmisi olan 30 mm-lik avtomatik top və 7,62 mm-lik pulemyotla təchiz olunub.

BMP-3 həm ümümi ordu üçün, həm də xüsusi tapşırıqların yerinə yetirilməsi üçün nəzərdə tutulub. Silahlanmaya 1987-ci ildə qəbul edilib. Texnikaya 100 mm-lik 2A70 silahı, 30 mm-lik avtomatik top, 7,62 mm-lik PKT pulemyotu, atəşə nəzarət sistemi, yarı avtomatik yükləmə mexanizmi, gecə görmə funksiyası da daxil olmaqla nişangah və silah stabilizatoru daxildir.

Bəxtiyar CƏFƏRLİ