Dövlət Proqramının müddətinin uzadılması gənclərin nüfuzlu universitetlərdə təhsil almasına şərait yaradır

Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramının müddəti 2028-ci ilədək uzadılır.

Trend xəbər verir ki, bu baradə elm və təhsil nazirinin müşaviri Nicat Məmmədli jurnalistlərə açıqlamasında deyib.

O qeyd edib ki, bu, müvafiq müddət ərzində Azərbaycanın istedadlı gənclərinin xarici ölkələrin nüfuzlu universitetlərində şərait yaratmış olur.

Xatırladaq ki, avqustun 12-də müvafiq Sərəncam ilə “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı”nın təsdiq edilməsi haqqında” Sərəncamda dəyişiklik edilib.