Qazaxıstanda dini ekstremis mərkəzə qarşı əməliyyat

Qazaxıstan Daxili İşlər Nazirliyinin əməkdaşları ölkənin cənubunda xüsusi əməliyyat keçirib.

Herbiand.az Qazaxıstan Daxili İşlər Nazirliyinin mətbuat xidmətinə istinadən xəbər verir ki, dini ekstremist təşkilatın gizli mərkəzi ləğv edilib.

“Daxili İşlər Nazirliyinin Ekstremizmə qarşı mübarizə bölməsi Milli Təhlükəsizlik Komitəsinin köməyi ilə Kentau şəhərində “Hizb-ut-Təhrir” dini ekstremist təşkilatının gizli mərkəzini ləğv edib. Əməliyyat-axtarış tədbirləri zamanı qrup üzvləri tərəfindən terrorizm ideyalarının təbliği, habelə dini etiqadları təhqir edən və digər inanclı vətəndaşların alçaldılması faktları müəyyən edilib”.

Ekstrimiz mərkəzin 10 üzvü saxlanılıb. Onların yaşayış yerlərində aparılan axtarışlar zamanı xeyli miqdarda dini ekstremist ədəbiyyat və digər maddi sübutlar götürülüb.

Daxili İşlər Nazirliyindən verilən məlumata görə, qrupun rəhbəri əvvəllər fəaliyyəti qadağan edilmiş dini ekstremist təşkilatın fəaliyyətində iştiraka görə məhkum olunub. Terrorçuluğun təbliği və dini ədavətin qızışdırılması maddələri ilə ibtidai istintaq aparılır.