TİKA Bakı Ofisinin nümayəndə heyəti Gəncə Dövlət Univeristetində olub

Univeristetin rektoru professor Yusif Yusibovla başlayan görüşdə TİKA Bakı Proqram Koordinatoru Fatih Yılmaz, TİKA Bakı Proqram Koordinatorunun müavini Ahmet Çanga, TİKA Bakı Proqram Koordinasiya Ofisinin əməkdaşı Abbas Hümmətov, TİKA Bakı Proqram Koordinasiya Ofisinin əməkdaşı Elmir Laçınov, İnnovasiyalar departamentinin direktoru Vasif Həsənov iştirak edib. Görüş zamanı rektor yeni təyin edilmiş TİKA Bakı Proqram Koordinatorunu bu münasibətlə təbrik etdikdən sonra TİKA-nın dəstəyi ilə həyata keçirilən layihələr haqqında məlumat verib. Sonra universitetin yeni tədris binasının həyətində yerləşən yataqxana binasının təmiri ilə bağlı layihənin son vəziyyəti müzakirə olunub. Daha sonra İnnovasiyalar departamentinin direktoru TİKA-ya təqdim olunan yeni layihələr haqqında məlumat verib. Rəsmi görüş yekunlaşdıqdan sonra TİKA Bakı Ofisinin nümayəndə heyəti universitetin yeni tədris binasında yerləşən “Nuru Paşa adına Kitabxana”da və Tələbə Yataqxanasında olub. TİKA Bakı Proqram Koordinatoru kitabxana haqqında fikirlərini bölüşdükdən sonra Tələbə Yataqxanası ilə bağlı yaxın günlərdə yenidən əlaqə saxlanacağını qeyd edərək günlük proqramlarına davam edib.

Mikayıl HƏSƏNLİ

Copy link
Powered by Social Snap