Advertisment

İran Təbriz–İrəvan aviareyslərini bərpa edir

İranın Təbriz şəhərindən Ermənistanın paytaxtı İrəvana birbaşa uçuşlar bərpa ediləcək.

Şərqi Azərbaycan Hava Limanlarının baş direktoru Məhəmməd Əli Nael Karamaleki Təbriz–İrəvan aviareyslərinin yenidən həyata keçiriləcəyini açıqlayıb.

“Aftab News”a müsahibəsində o bildirib ki, uçuşlar “Poya Hava Yolları” tərəfindən həftədə iki dəfə – bazar ertəsi və cümə axşamı günləri yerinə yetiriləcək.

Onun sözlərinə görə, ilk reys cümə axşamı günü Təbriz Beynəlxalq Hava Limanından İrəvana həyata keçiriləcək.