“İspaniya NATO-nun tamhüquqlu üzvüdür və onun prinsiplərinə sadiqdir” - Madriddən Trampa cavab

İspaniya hökuməti ABŞ prezidenti Donald Trampın ölkəni NATO-dan çıxarmaq çağırışından sonra “həddindən artıq sakitlik” saxlayır.

Herbiand.az bildirir ki, bu barədə İspaniya Nazirlər Kabinetindəki mənbələrə istinadən Europa Press (EP) agentliyi məlumat yayıb.

“İspaniya NATO-nun tamhüquqlu üzvüdür və onun prinsiplərinə sadiqdir. İspaniya da ABŞ kimi alyans çərçivəsində üzərinə düşən bütün öhdəlikləri yerinə yetirir.”, - adının açıqlanmasını istəməyən yüksək rütbəli ispan məmur agentliyə bildirib.

Qeyd edək ki, ABŞ prezidenti Donald Tramp İspaniyanın müdafiə xərclərini 5 faizə qədər artırmaq istəmədiyi üçün bu ölkənin NATO-dan çıxarılmasını təklif etmişdi.

Bəxtiyar CƏFƏRLİ