Ukraynaya "könüllülər koalisiyası" qoşunları göndərmək qərarı Rusiyadan asılıdır

"Könüllülər koalisiyası"nda iştirak edən getdikcə daha çox ölkə Ukraynaya sülhməramlı qüvvələr göndərmək üçün Rusiyanın icazəsinə ehtiyac duyacaqlarını etiraf edir.

Herbiand.az xəbər verir ki, bu barədə Britaniyanın "The Telegraph" qəzetinin öz mənbələrinə istinadən yaydığı materialda bildirilib.

Məqalədə deyilir: "Müttəfiqlər Ukraynaya sülhməramlı qoşunlar göndərmək planlarının Vladimir Putinin təsdiqini tələb edəcəyini etiraf ediblər".

Bundan əvvəl Britaniyanın müdafiə naziri Con Healey münaqişə bitdikdən sonra Ukraynaya qoşun göndərmək istədiyini bildirmişdi.

Finlandiya siyasi partiyası Azadlıq Alyansının nümayəndəsi Armando Mema Qərb hərbi kontingentlərinin Ukrayna ərazisinə yerləşdirilməsi ideyasını kəskin tənqid etmişdi. Onun sözlərinə görə, belə bir addım Rusiyaya qarşı birbaşa müharibə elanı olardı.

Rusiya xarici işlər nazirinin müavini Aleksandr Qruşko bildirib ki, Moskva Kiyev üçün təhlükəsizlik zəmanəti olaraq NATO və ya AB hərbi kontingentlərinin Ukraynaya yerləşdirilməsindən qəti şəkildə imtina edir.