“Zelenskini Rusiya ilə münaqişənin qaçılmazlığına inandıra bildim” - Kamala Harris

ABŞ-ın keçmiş vitse-prezidenti Kamala Harris “107 gün” adlı xatirə kitabında etiraf edib ki, 2022-ci ildə Ukrayna prezidenti Vladimir Zelenskini Rusiya ilə hərbi toqquşmanın qaçılmazlığına inandırıb. Onun sözlərinə görə, Zelenski ilə söhbət 2022-ci ilin fevralında Münhendə təhlükəsizlik görüşü zamanı baş tutub.

Herbiand.az bu barədə RBK-yə istinadən yazır.

Harris xatirələrində yazır ki, Zelenski ilə söhbət çox çətin olub. ABŞ-ın keçmiş vitse-prezidenti etiraf edib ki, onun məqsədi Zelenskini Rusiya ilə gözlənilən münaqişəyə inandırmaq olub, lakin Ukrayna lideri bunu eşitmək belə istəmirdi. Harris Zelenskiyə Ukrayna kəşfiyyatından fərqlənən Amerika kəşfiyyatının məlumatını təqdim edib: “Zelenski hələ də hesab edirdi ki, Putin sadəcə olaraq blef edir... Mənim işim onun ​​sərt reallığı anlaması idi”.

Kitabda yazılanlara görə, bir anda Zelenski ondan nə etməli olduğunu soruşub. Buna cavab olaraq Harris ona “öz xalqını hazırlamağa”, yəni döyüşməyə başlamağı tövsiyə edib.

Bəxtiyar CƏFƏRLİ