Ukrayna nümayəndə heyəti bu gün ABŞ-a gedir

Sülh planını müzakirə etmək üçün Ukrayna nümayəndə heyəti bu gün ABŞ-a səfər edəcək.

Herbiand.az xəbər verir ki, bu barədə yazan “Politico”nun məlumatına görə, Ukraynanın milli təhlükəsizlik və müdafiə şurasının katibi Rustem Umerovun rəhbərlik etdiyi Ukrayna nümayəndə heyəti ABŞ rəsmiləri ilə müharibənin dayandırılması üçün təklif olunan planı müzakirə edəcək.

Nümayəndə heyətinə Umerovun rəhbərlik edəcəyini Prezident Zelenski bildirib. Nümayəndə heyətinə Ukrayna kəşfiyyatının rəhbəri Kirill Budanov və Ukrayna Silahlı Qüvvələrinin Baş Qərargah rəisi Andrey Qnatov da daxildir.

“Politico”nun yazdığına görə, Zelenski nümayəndə hetyətinin qarşısında aydın bir vəzifə qoyub - müharibənin dayandırılması üçün lazım olan addımları operativ və konkret şəkildə işləyib hazırlamaq.

Ukrayna nümayəndələrinin Donald Trampın xüsusi nümayəndəsi Stiv Uitkoff və Trampın kürəkəni Cared Kuşnerlə görüşəcəkləri bildirilir.