Advertisment

Azərbaycan səfiri Rusiya MN-də görüş keçirdi - FOTO

Azərbaycanın Rusiyadakı səfiri Rəhman Mustafayevlə bu ölkənin müdafiə nazirinin müavini Vasiliy Osmakov arasında görüş keçirilib.

Bu barədə məlumatı Azərbaycanın Rusiyadakı Səfirliyi yayıb.

Bildirilib ki, tərəflər görüş zamanı iki ölkənin Müdafiə Nazirliyi xətti ilə Azərbaycan və Rusiya arasında qarşılıqlı fəaliyyətə dair aktual məsələləri müzakirə ediblər.

Bununla yanaşı, 2026-cı ildə qarşılıqlı səfərlər və təmasların qrafiki ətrafında fikir mübadiləsi aparılıb.