Merts Leypsiq hava limanındakı dron hadisəsinə görə Rusiyanın tez ittiham olunmasında israr edib

Almaniya kansleri Fridrix Merts Rusiyanın Leypsiq hava limanındakı dron hadisəsi ilə ən qısa zamanda əlaqələndirilməsində israr edib. Lakin bəzi nazirlər tələsik açıqlamalara qarşı çıxıblar.

Herbiand.az xəbər verir ki, bu barədə Tagesspiegel qəzeti bildirib.

Qəzet Spiegel-in məlumatlarına istinad edir: hələ 25 və 26 avqust tarixlərində Noyhardenberqdə keçirilən hökumət iclasında Merts Leypsiq/Halle hava limanına hücum cəhdində Rusiya hakimiyyətinin günahını tez bir zamanda etiraf etmək ideyasını irəli sürüb. Ötən həftə keçirilən iclasda kansler artıq kifayət qədər dəlil toplandığını bildirib.

Lakin daxili işlər naziri Aleksandr Dobrindt və xarici işlər naziri Yohann Vadeful əvvəlcə tələsməməyi məsləhət görüblər. Dobrindt Rusiyaya qarşı genişmiqyaslı ittihamların istintaqa mane ola biləcəyi barədə xəbərdarlıq edib. Vadeful isə izah edib ki, Moskvanın sanksiyalar tətbiq edəcəyi təqdirdə cavab hazırlamaq üçün nazirliyinə əlavə vaxt lazımdır. O, əvvəlcə alman diplomatlarına xəbərdarlıq edilməli, sənədlərin və məlumatların qorunması lazım olduğunu söyləyib.

Bəxtiyar CƏFƏRLİ