“Rusiya ilə döyüşməyə kömək edənlər düşmənimizdir” - Medvedev

Rusiya ilə döyüşməyə kömək edən ölkələr onun düşmənləridir, o cümlədən beynəlxalq hüquq baxımından.

Herbiand.az bildirir ki, bunu Rusiya Təhlükəsizlik Şurasının sədr müavini Dmitri Medvedev TASS, Reuters və Wargonzo layihəsinə verdiyi müsahibədə deyib.

“Bizimlə döyüşməyə kömək edənlər, istər silahlar, istər kəşfiyyat, istərsə də raketlərin və digər silahların yaddaş bölmələrinə daxil edilən müəyyən hədəflər olsun, onlar düşməndir. Və beynəlxalq hüquq baxımından “Xeyr-xeyr, biz sadəcə təchiz etdik və bu qədər, bağışlayın, bizim bununla heç bir əlaqəmiz yox idi” deyə bilməzsiniz, - Medvedev TASS-ın Rusiyanın düşməni kim olması ilə bağlı sualına cavabında deyib.

Medvedevin sözlərinə görə, bu, iki ölkə arasındakı münasibətlərin bir hissəsi kimi əbədi olaraq qalacaq.

Bəxtiyar CƏFƏRLİ