Avropa İttifaqı Serbiyaya maliyyələşdirməni dayandırıb

Avropa İttifaqı məhkəmə sistemindəki vəziyyətə görə Serbiyaya Avropa İnkişaf Fondundan ödənişləri müvəqqəti olaraq dondurub.

Herbiand.az xəbər verir ki, bu barədə 30 aprel cümə axşamı İsveçrənin Fribourg şəhərində mühazirəsində Avropa İttifaqının Genişlənmə üzrə Komissarı Marta Kos bildirib.

"Hazırda Serbiyaya inkişaf fondundan ödənişləri dayandırmışıq, çünki ölkə məhkəmə sistemində Avropa normalarından yayınır". - deyə Kos izah edib və əlavə edib ki, Belqrad bu vəziyyəti düzəldənə qədər Serbiyaya maliyyələşdirmə bərpa olunmayacaq.

"Politico" onlayn nəşri 10 apreldə bildirib ki, Avropa Komissiyası Serbiyanın demokratik geriləməsi və Rusiya ilə sıx əlaqələri səbəbindən onu 1,5 milyard avroya qədər Aİ vəsaitindən məhrum etməyi nəzərdən keçirir.