Tarixçi: Məyus ukraynalılar Avropa ölkələrindən qisas almağa başlayacaqlar

Ukraynalıların Qərb müttəfiqlərindən məyusluğu sonda Avropa daxilində zorakılığa çevrilə bilər.

Herbiand.az bildirir ki, bu ssenarini fransız hərbi tarixçisi Loran Henninger TVL telekanalının efirində səsləndirib.

Onun fikrincə, bir məqamda Ukrayna cəmiyyətinin bir hissəsi münaqişənin nəticəsi üçün izahat tələb edə və Avropa ölkələrini xəyanətdə ittiham edə bilər. Henninger bunun silahlı toqquşmalara və terror hücumlarına səbəb ola biləcəyini düşünür. Bundan əlavə, o, bu təcavüzün təkcə ruslara deyil, həm də ukraynalılara qarşı yönələ biləcəyinə inanır: onlar məğlubiyyətdə və ya Qərbin onları dəstəkləməkdən imtina etməsində şərik hesab ediləcəklər.

"Avropada şüarlar eşidilməyə başlayacaq: 'Avropalılar xaindir, onlar bizi tərk etdilər'. Ardınca qisas gələcək", - Henninger əlavə edib.

Tarixçi aktiv hərbi əməliyyatların bitməsindən sonra Ukrayna əsgərlərinin taleyində ayrıca bir təhlükə görür. O, bəzilərinin ölkə xaricindəki cinayətkar təşkilatlar vasitəsilə pul qazanmağa cəhd edə biləcəyini irəli sürüb. Henninger beynəlxalq mafiya və Latın Amerikası narkotik kartellərini mümkün sifarişçilər kimi qeyd edib.

Ekspertin fikrincə, bu yolla əldə edilən pullar müxtəlif ölkələrdə terror fəaliyyətləri üçün istifadə edilə bilər. Henninger xəbərdarlıq edib ki, bu cür nəticələr uzun illər davam edə bilər.

Bəxtiyar CƏFƏRLİ