Ukrayna Silahlı Qüvvələrinin keçmiş müharibə veteranları alman zabitlərinə təlim keçəcəklər

Rusiya Federasiyasının təcavüzünün dəf edilməsində iştirak edən Ukrayna Silahlı Qüvvələrinin veteranları Bundesver zabitlərinə təlim keçəcəklər.

Herbiand.az xəbər verir ki, bu barədə quru qoşunlarının müfəttişi (komandiri) general-leytenant Kristian Freydinq cümə axşamı, 20 noyabrda dərc olunmuş "Frankfurter Allgemeine Zeitung" qəzetinə verdiyi müsahibədə bildirib. Bundan əvvəl Freydinq Ukrayna Silahlı Qüvvələrinə hərbi yardımı əlaqələndirən Almaniya Federativ Respublikası Müdafiə Nazirliyinin Ukrayna üzrə situasiya mərkəzinə rəhbərlik edib.

"Biz heç vaxt real həyatda qazandığımız təcrübəni təkrarlaya bilməyəcəyik. Buna görə də təlimlərimizdə ukraynalıların təcrübəsini daha geniş şəkildə nəzərə almağım vacibdir. Mən ukraynalı həmkarımla razılaşdım ki, biz veteranları Almaniyaya gətirmək istəyirik", - deyə general vurğulayıb.

Onun sözlərinə görə, ukraynalı hərbçilər Almaniya Federativ Respublikasının zabit və serjantlarının təlim keçdiyi hərbi məktəblərdə çıxış edə və müharibənin gedişatı barədə danışa biləcəklər. "Və bu təcrübə daha sonra ukraynalı təlimatçıların sayəsində praktik təlimlərdə öz əksini tapmalıdır", - deyə o əlavə edib.