İtaliya və Almaniya Qəzzaya humanitar yardım aparan gəmilərin dayandırmasından narahatdır

İtaliya və Almaniya dünən gecə Yunanıstan sahillərində beynəlxalq sularda saxlanılan Qəzza zolağı üçün humanitar yardım daşıyan Qlobal Sumud Donanması ilə bağlı hadisələri böyük narahatlıqla izləyir.

Herbiand.az xəbər verir ki, bu barədə Almaniya Xarici İşlər Nazirliyi tərəfindən cümə axşamı, 30 apreldə dərc edilmiş iki ölkənin birgə bəyanatında bildirilib.

Roma və Berlindən verilən açıqlamada deyilir: "Biz tətbiq olunan beynəlxalq hüquqa tam riayət etməyə və məsuliyyətsiz hərəkətlərin rədd edilməsinə çağırırıq".

Bəyanatda beynəlxalq birliyin beynəlxalq hüquq və standartlara uyğun olaraq anklava humanitar yardım göstərmək öhdəliyi və səylər vurğulanıb.

Xatırladaq ki, İsrail Hərbi Dəniz Qüvvələri Yunanıstanın Krit adasının qərbində humanitar yardım aparan 20-dən çox donanma gəmisini saxlayıb və onlarla fəalı həbs edib. Bəzi gəmilər 30 aprel gecəsi baş verən hadisədən sonra yollarına davam ediblər. Dəniz hərəkətini izləmə sistemləri onların Yunanıstanın ərazi sularında Krit sahili boyunca hərəkət etdiyini göstərib. Əvvəlcə təşkilatçılar gələcək planları ilə bağlı heç bir açıqlama verməyiblər.