"Cənab Heç Kim Putinə Qarşı" filminə görə verilən Oskar heykəlciyi itib

"Cənab Heç Kim Putinə Qarşı" filminə görə verilən Oskar heykəlciyi, filmin rejissorlarından biri olan Pavel Talankinin Nyu-Yorkdan Frankfurt-Mayne uçuşu zamanı izsiz yoxa çıxdı.

Herbiand.az xarici mənbələrə istinadən xəbər verir ki, bu barədə, filmin həmrejissoru David Borenstein hadisə barədə məlumat yayıb.

O bildirib ki, Con Kennedi Hava Limanındakı təhlükəsizlik işçiləri Talankinin heykəlciyi təyyarəyə aparmasına mane olub və iddia edib ki, o, silah kimi istifadə edilə bilər. Oskar mükafatı qutuya qoyulub və anbara yerləşdirilib, lakin çatdıqdan sonra qutunun itkin düşdüyü aşkar edilib.

Baqajın itirildiyi Lufthansa aviaşirkətinə yazdığı məktubda Borenstein Nəqliyyat Təhlükəsizliyi Administrasiyasını qeyd edərək yazıb: "Axtarış apardım və kiminsə Oskar mükafatını yoxlamağa məcbur edildiyi başqa bir hal tapmadım. Pavel məşhur aktyor olsaydı, ona da eyni münasibət göstərilərdi? Yoxsa ingilis dilində səlis danışsaydı?"

Lufthansa cavab olaraq Talankinin baqajını araşdırıb geri qaytaracağına söz verib. "The Insider" aviaşirkətdən sitat gətirir: "Oskar mükafatını mümkün qədər tez tapmaq üçün əlimizdən gələni edəcəyik və artıq məsələni daha da üst səviyyədə araşdırılmasına başlayıb".