İran hərbi potensialının böyük hissəsini saxlayıb

Rəsmi ABŞ-ın İranın hərbi cəhətdən məğlub olması ilə bağlı iddiaları ABŞ kəşfiyyatının məlumatları ilə ziddiyyət təşkil edir.

Bu kəşfiyyat məlumatlarına görə, İslam Respublikası hələ də sərhədləri daxilində mobil buraxılış qurğularının təxminən 70%-nə nəzarət edir və müharibədən əvvəlki raket arsenalının təxminən 70%-ni saxlayıb.

Herbiand.az xəbər verir4 ki, bu barədə “The New York Times” qəzeti çərşənbə axşamı məlumat yayıb.

Nəşrin məlumatına görə, sözügedən arsenal həm regiondakı digər ölkələri vura bilən ballistik raketləri, həm də daha qısa məsafələrdə quru və ya dəniz hədəflərinə qarşı istifadə edilə bilən kiçik bir kruiz raket ehtiyatını əhatə edir.

Bundan əlavə, ən narahatedici dəlil İranın Hörmüz boğazı boyunca yerləşdirdiyi 33 raket sistemindən 30-nun döyüş hazırlığını bərpa etməsidir. Müəlliflər belə bir nəticəyə gəlirlər ki, onlar Amerika hərbi gəmiləri və neft tankerləri üçün təhlükə yarada bilər.

Hərbi kəşfiyyat həmçinin peyk görüntüləri də daxil olmaqla bir sıra mənbələrə əsaslanaraq İranın ölkə daxilində yeraltı raket saxlama qurğularının və buraxılış qurğularının təxminən 90%-nə çıxış əldə etdiyini bildirir. Onlar hazırda "qismən və ya tam işlək" kimi qiymətləndirilir.

"The Washington Post" qəzeti ötən həftə oxşar məlumatlara istinad edərək bildirib ki, ABŞ kəşfiyyatının məlumatına görə, İran mobil buraxılış qurğularının təxminən 75 faizini və müharibədən əvvəlki raket arsenalının təxminən 70 faizini bərpa edib.