Sky News: Putin Kiyevə zərbələr endirməklə rusların gözündə öz nüfuzunu xilas edir

Kiyevin mülki infrastrukturunun son zamanlar vəhşicəsinə atəşə tutulması, Rusiya rəhbəri Vladimir Putinin Ukraynanın təcavüzkara qarşı uzunmənzilli zərbə kampaniyasında bir neçə həftəlik uğurlarından sonra, ən azı mediada Ukraynadan qisas almaq cəhdidir.

Herbiand.az bildirir ki, bu barədə Sky News-un Moskva müxbiri Ayvor Bennett yazıb.

"Bu, Vladimir Putin üçün çətin və dağıdıcı bir neçə həftə idi. Kreml lideri təzyiq altındadır və Kiyevə edilən bu son hücum onun cavabının bir hissəsi kimi görünür", - britaniyalı jurnalist yazıb.

O qeyd edib ki, Ukraynanın Rusiya neft emalı zavodlarına zərbələri ciddi yanacaq çatışmazlığına səbəb olub və yanacaqdoldurma məntəqələrində böyük növbələr yaranıb. Daha sonra Ukrayna Rusiyanın onlayn pərakəndə satış şirkəti Wildberries-in anbarlarını hədəfə alıb, Rusiya istehlakçı sektoruna ciddi ziyan vurub və milyonlarla adi rusun evlərinə müharibə gətirib.

Bennet həmçinin, Moskvanın mərkəzindəki dəbdəbəli rus restoranında baş verən ölümcül partlayışdan da bəhs edib, hanski ki, Kreml bu hadisədə Ukraynanı günahlandırıb: "Bunların heç biri Vladimir Putin üçün yaxşı görünmür. Axı onun bütün imici rusların təhlükəsizliyi ilə bağlı qayğı üzərində qurulub. Məsələn, onun Ukraynaya müdaxiləsi Rusiyanın milli təhlükəsizliyini gücləndirmək üçün bir yol kimi təqdim edildi. Lakin bu, getdikcə əks-təsir göstərir. Bu, Putinin hakimiyyətinə qarşı bir çağırışa çevrilib və onu bərpa etməyə çalışır".

Bəxtiyar CƏFƏRLİ