Amerikalı əsgər Maduronun devrilməsinə mərc etdi, həbs olundu

Venesuela prezidenti Nikolas Maduronun tutulmasında iştirak edən amerikalı əsgər Qennon Ken Van Dayk onun devrilməsinə mərc edərək 400000 dollardan çox uduş əldə etməkdə şübhəli bilinərək həbs edilib.

Herbiand.az bildirir ki, bu barədə “The Guardian” qəzeti məlumat yayıb.

ABŞ prokurorlarının məlumatına görə, Van Dayk 2025-ci ilin dekabr ayından etibarən Maduronu ələ keçirmək və devirmək üçün hərbi əməliyyatın planlaşdırılmasında iştirak edib. Dekabr-yanvar ayları arasında o, məşhur proqnoz bazarı Polymarket-də ABŞ-ın Venesuelaya müdaxiləsi və Maduronun devrilməsi ilə bağlı 13 mərc edib.

ABŞ Ədliyyə Nazirliyinin məlumatına görə, Van Dayk şəxsi mənfəət üçün məxfi hökumət məlumatlarından qanunsuz istifadə etməklə yanaşı, əmtəə və elektron köçürmələrdə də ittiham olunub. Onu 60 ilə qədər həbs cəzası təhlükəsi gözləyir.

Polymarket sosial mediada istifadəçinin məxfi hökumət məlumatlarını satması barədə məlumatın Ədliyyə Nazirliyinə göndərildiyini bildirib.

Xatırladaq ki, Pentaqon 3 yanvar gecə saatlarında Venesuela prezidenti Nikolas Maduro və həyat yoldaşının Karakasda ələ keçirilməsi ilə nəticələnən xüsusi əməliyyat keçirib.

Bəxtiyar CƏFƏRLİ