ABŞ-ın və Almaniyanın ələ keçirilən texnikaları Şimali Koreyaya aparılıb

ABŞ istehsalı olan M1A1 Abrams tankı və M2A2 Bradley piyada döyüş maşını KXDR-də görünüb.

Herbiand.az bildirir ki, Koreya Mərkəzi Xəbər Agentliyinin (KCNA) məlumatına görə, ələ keçirilən maşınlar xatirə kompleksində quraşdırılıb.

Pxenyanda xarici hərbi əməliyyatlarda döyüş qəhrəmanlarından bəhs edən xatirə muzeyinin tamamlanmasını qeyd etmək üçün mərasim keçirilib. Kompleksdə Rusiyanın Ukraynada keçirdiyi xüsusi hərbi əməliyyatlarda istifadə olunan avadanlıq və silahlar nümayiş etdirilib.

Xüsusilə, ələ keçirilən Amerikanın Abrams və Bradley, eləcə də Almaniyanın Leopard və Marder texnikaları KXDR-ə gətirilib. Bundan başqa, sərgidə Rusiyanın kiçik silahları və FPV dronlarını da görmək mümkündür.

Bəxtiyar CƏFƏRLİ