Tramp Netanyahu danışdı - Beyruta gedən İsrail qoşunları dayandı

İsrail Baş naziri Binyamin Netanyahu ilə telefon danışığından sonra ABŞ Prezidenti Donald Tramp Beyruta gedən İsrail qoşunlarının geri çəkildiyini açıqlayıb.

Herbiand.az xəbər verir ki, ABŞ lideri bu barədə 1 iyun axşamı “Truth Social” platformasında yazıb. "İsrail Baş naziri Bibi Netanyahu ilə çox məhsuldar söhbətim oldu və Beyrutda heç bir qoşun olmayacaq və yola düşən qoşunlar artıq dayandırılıb”.

O, həmçinin Livan Hizbullah hərəkatı ilə yüksək vəzifəli nümayəndələr vasitəsilə "çox yaxşı söhbət" etdiyini əlavə edib. "Onlar atışmanın dayandırılacağı, İsrailin onlara hücum etməyəcəyi və İsrailə hücum etməyəcəyi barədə razılığa gəliblər."

Netanyahu isə öz növbəsində X-də yazıb ki, Trampla telefon danışığında ona Hizbullahın İsrail şəhərlərinə və vətəndaşlarına hücumlarını dayandırmasa, İsrailin "Beyrutdakı terrorçu hədəflərə zərbə endirəcəyini" deyib. "Bizim mövqeyimiz dəyişməz olaraq qalır."

Livan prezidenti Cozef Aunun ofisi həmçinin ölkə hakimiyyətinin Hizbullahın ABŞ-ın hücumları qarşılıqlı dayandırmaq təklifini qəbul etdiyini təsdiqlədiyini bildirib.