Advertisment

SSRİ bayraqları ilə yürüş edənlərə hökm oxunub

SSRİ bayraqları ilə yürüş etməyə cəhd göstərməkdə təqsirləndirilən şəxslər barəsində məhkəmə hökmü elan edilib.

Həbs edilənlərdən biri “Səs” qəzetinin əməkdaşı, sosioloq Elçin Bayramlıdır. Məhkəmənin qərarına əsasən, o, 1 il 6 ay müddətinə azadlıqdan məhrum edilib.

Məsələ ilə bağlı E. Bayramlının həyat yoldaşı, jurnalist Lalə Mehralı Gununsesi.info-nun sorğusuna cavab olaraq mövzu barədə danışmaq istəmədiyini bildirib.

Qeyd olunur ki, Elçin Bayramlı son dövrlərdə müxtəlif ictimai-siyasi mövzularda verdiyi açıqlamalarla gündəmdə olub və bəzi çıxışlarında Sovet dövrünü müsbət qiymətləndirib.

Nizami Rayon Məhkəməsinin hökmünə əsasən, E. Bayramlı ilə yanaşı İbrahim Əsədli və Abdulla İbrahimli hər biri 2 il, Mehman Zeynalov isə 1 il 6 ay müddətinə azadlıqdan məhrum edilib.