“Logistika üçün 100 km uzunluğunda yeraltı tunellərin tikintisi planlaşdırılır” - Briqada generalı

Hökumət hərbi logistikanı dəstəkləmək üçün cəbhə xəttindən 100 km-ə qədər məsafədə yeraltı tunellərin tikintisi vəzifəsini müəyyən edib.

Herbiand.az xəbər verir ki, bunu Ukrayna Silahlı Qüvvələri Baş Qərargahının Mühəndislik Qoşunlarının rəisi, briqada generalı Vasil Sirotenko “Ukrinform”a bildirib.

General qeyd edib ki, bu gün yalnız cəbhə xətti boyunca 20 km-dən danışmırlar: “Bu, 100 kilometrə qədər məsafə deməkdir. Bunlar əsas logistika marşrutları və hərbi karvanlar üçün deyil, ümumiyyətlə dövlət logistikası üçün hərəkət marşrutlarıdır. Və düşünürəm ki, tezliklə, çox qısa müddətdə qoşunlarımızın mövqelərinə logistika çıxışı təmin etmək, yaralıları təxliyə etmək və sair üçün istifadə etdiyi yeraltı tunellərdən danışacağıq”.

Bəxtiyar CƏFƏRLİ