Seçki kampaniyasında Paşinyanla mübahisə edən həkim işdən çıxarılıb - SKRİNŞOT

İrəvan klinikasında 21 illik qüsursuz xidmətdən sonra işçilərin sayının azaldılması səbəbindən anamın işdən çıxarılması qərara alınıb.

Herbiand.az xəbər verir ki, bunu seçki kampaniyası zamanı Ermənistanın baş naziri Nikol Paşinyanla mübahisə edən həkim Arpine Soqoyanın qızı Tatevik Soqoyan Facebook səhifəsində yazıb.

"Hamınız soruşursunuz ki, anamın Paşinyanla "isti" görüşündən sonra onun işinə nə olub? Sizə deyim: Yerevan klinikasında 21 illik qüsursuz xidmətdən sonra işçilərin sayının azaldılması səbəbindən anamı işdən çıxarmaq qərarı verildi. Bu o deməkdir ki, bundan sonra klinikada qadın sağlamlığı şöbəsi olacaq, lakin şöbə müdiri olmayacaq.

Gələcək analar da daxil olmaqla, bütün inzibati rayondan minlərlə qadın uzun müddət təcrübəli şöbə müdirinin nəzarəti olmadan qalacaq. Əlbəttə ki, bütün bunların rəsmi izahı - pulumuzun olmaması - icma fondlarından ziyafətlərə xərclənən milyardlarla dramla müqayisədə daha da gülünc olur.

Lakin, mən buna daha sonra qayıdacağam. Hələlik sadəcə deyim ki, işçilərin sayının azaldılması səbəbindən anamın işdən çıxarılması onun vicdanlı işinin ən yaxşı göstəricisidir və söz azadlığımızı qoruyan "demokratiyanın dayağı"nın daha bir bariz nümunəsidir. Anam... Əhval-ruhiyyəsi yaxşıdır və iş perspektivləri qənaətbəxşdir."