Sərhədsiz Həkimlər: Rusiya Ukraynadakı xəstəxanaları qəsdən hədəfə alır

Sərhədsiz Həkimlər humanitar təşkilatı Rusiyanı Ukraynadakı tibb müəssisələrini qəsdən hədəfə almaqda ittiham edib.

Herbiand.az xəbər verir ki, təşkilat araşdırmaların nəticəsi olaraq yaydığı hesabatda bildirib: “Ukraynadakı səhiyyə sisteminə və tibb işçilərinə hücumlar strategiyanın bir hissəsidir. Sərhədsiz Həkimlər münaqişənin bütün tərəflərini beynəlxalq humanitar hüquq çərçivəsində öhdəliklərinə əməl etməyə çağırır”.

Sərhədsiz Həkimlərin Ukraynadakı koordinatoru Robin Meldrum bildirib: "Bu hücumlar çox sistematik, çox tez-tez baş verir və təsadüfi olmaq üçün çox dəqiqdir". O əlavə edib ki, xəstəxanalara dəfələrlə zərbə endirildikdə və ya təcili yardım maşınlarına dronlarla hücum edildikdə, bu, niyyətlə bağlı nümunələrdir.