Rusiya bazarına qayıtmaq planı yoxdur - Rheinmetall

Almaniyanın Rheinmetall müdafiə şirkətinin baş direktoru Armin Papperqer şirkətin Rusiya ilə əməkdaşlığı nəzərdən keçirmədiyini bildirib.

Herbiand.az bildirir ki, bu barədə Deutsche Welle nəşri yazıb.

Onun sözlərinə görə, Rheinmetall öz mövqeyini aydın şəkildə ifadə edir və Rusiya bazarına qayıtmaq və ya Rusiya ilə bağlı hər hansı bir layihədə iştirak etmək planı yoxdur. Papperqer şirkətin Rusiya ilə əməkdaşlıq etməkdənsə, Ukraynanı dəstəkləməyə və Qərb tərəfdaşları ilə əməkdaşlığı inkişaf etdirməyə yönəldiyini vurğulayıb.

Məqalədə qeyd olunur ki, bu bəyanat Rusiyanın Ukraynaya qarşı davam edən müharibəsi və Rheinmetall-ın Avropada əsas silah istehsalçısı kimi artan rolu fonunda verilib.

Beləliklə, şirkət yaxın gələcəkdə Rusiya ilə hər hansı bir işgüzar əlaqənin bərpasını faktiki olaraq istisna edir.

Bəxtiyar CƏFƏRLİ