Pentaqon rəsmisi tanışlıq tətbiqində məxfi məlumatları açıqladığına görə işdən çıxarılıb

Pentaqonun radiasiya-kimyəvi təhlükəsizlik rəhbəri Endryu Haqq tanışlıq tətbiqində ünsiyyət qurduğu bir qadına məxfi məlumatların açıqlanması barədə xəbərlərdən sonra işdən çıxarılıb.

Herbiand.az bildirir ki, bu barədə Pentaqon rəhbəri Pit Heqset deyib.

Heqset bildirib ki, o, artıq burada işləməyəcək.

CBS telekanalının məlumatına görə, qalmaqala jurnalist Ceyms O'Kifinin Haqqın guya ABŞ milli təhlükəsizliyi ilə bağlı məlumatları tanımadığı bir şəxsə açıqladığını iddia etdiyi xəbəri səbəb olub. Bu sual mətbuat konfransı zamanı Heqsetə verilib.

Pentaqon rəhbəri qeyd edib ki, agentlik məlumat sızmalarını ciddiyə alır və daxili təhdidləri daim izləyir. O, həmçinin məxfi məlumatlara əsaslanan materialların dərc olunmasının ciddi risklər yarada biləcəyini bildirib.

O'Kif ötən həftə gizli kamera ilə çəkilmiş video yayımlayıb və izahedici sözlər yazıb: “ABŞ nüvə bölməsinin rəhbəri milli təhlükəsizliyə təhdid yaradan məxfi məlumatları sızdırıb”.

Bəxtiyar CƏFƏRLİ