Paytaxtın hava limanı hücuma məruz qaldı: ölən və yaralananlar var

Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanına növbəti hücum nəticəsində bir nəfər ölüb, 11 nəfər yaralanıb.

Bu barədə Səudiyyə Ərəbistanının Mülki Aviasiya Baş İdarəsi məlumat yayıb.

Bildirilib ki, hücum oktyabrın 11-də gündüz saatlarında baş verib.

“Hücum nəticəsində ölkədə yaşayan Pakistan vətəndaşı həyatını itirib, daha 11 nəfər yaralanıb. Yaralılar zəruri tibbi yardım göstərilməsi üçün dərhal xəstəxanaya çatdırılıblar”, – qurumun “X” sosial şəbəkəsində yayımladığı açıqlamada qeyd olunub.

Məlumata görə, hücum hava limanına maddi ziyan da vurub. Hazırda dəymiş ziyanın miqyası qiymətləndirilir.

Qeyd edək ki, oktyabrın 10-da Ər-Riyad hava limanına endirilən əvvəlki zərbə nəticəsində azı 12 nəfər həlak olub, 300-dən çox insan yaralanıb.

Teleqraf