İran səfiri: Bütün dünya cinayətkarlığa qarşı mütəşəkkil və koordinasiyalı mübarizə aparmalıdır

Bu gün Bakıda keçirilən İslam Əməkdaşlıq Təşkilatına üzv dövlətlərin korrupsiyaya qarşı mübarizə aparan dövlət orqanları rəhbərlərinin üçüncü yüksək səviyyəli görüşü əhəmiyyətli toplantıdır.

Herbiand.az xəbər verir ki, bunu İranın Azərbaycandakı səfiri Müctəba Dəmirçilu yüksək səviyyəli görüşdə jurnalistlərə açıqlaması zamanı deyib.

O bildirib ki, bu gün dünyada cinayətkarlığa qarşı mübarizə tək bir dövlətin ərazisində ola bilməz: “Bütün dünya mütəşəkkil və koordinasiyalı şəkildə mübarizə aparmalıdır. İƏT çərçivəsində keçirilən iclas İslam dünyasının cinayətkarlığa qarşı birgə mübarizə aparmasına dair mesaj verir".

Səfir, iki tərəfli əlaqələrin də odavam etdiyini vurğulayıb: "Müvafiq qurumlar arasında əməkdaşlıq aparılır. Cinayətkarlığa qarşı da əməkdaşlıq etməliyik ki, cinayətlərin törədilməsinin qarşısı alınsın. Bu cəhətdən də əməkdaşlıq faydalıdır”.