Hindistan Pakistanla sərhəddə S-400 yerləşdirib

Hindistan Pakistanla sərhəddə olan Pəncab ştatının qərbində Rusiyanın S-400 “Triumf” zenit raket kompleksinin birinci batareyasını yerləşdirib.

Herbiand.az xəbər verir ki, TASS bu barədə ANI agentliyinə istinadən məlumat verib.

Hindistanın xarici işlər nazirinin müavini Harş Şrinqa dekabr ayında bildirmişdi ki, Rusiya S-400 raket sisteminin çatdırılmasına başlayıb.

Hindistan və Rusiya S-400 komplekslərinin çatdırılması ilə bağlı 2018-ci ilin oktyabr ayında müqavilə imzalayıblar. Məbləği 5,43 milyard dollar olan sövdələşməyə görə, Nyu-Dehli zenit raket sisteminin 5 alay dəstini alacaq.

S-400 “Triumf” 2007-ci ildə silahlanmaya qəbul olunan uzaq mənzilli zenit raket sistemidir. Bu sistem aviasiya, qanadlı və ballistik raketlərin məhv edilməsi üçün, eyni zamanda yerüstü obyektlərə qarşı da istifadə oluna bilər.