Avstraliya yenilənmiş Abrams tankları alır

Avstraliya Abrams amerikan tanklarının ən yeni versiyasını alacaq.

Herbiand.az xarici mətbuata istinadən bildirir ki, Avstraliya hökuməti LAND 907 Phase 2 proyekti çərçivəsində 75 ədəd döyüş maşınının alınmasını təsdiqləyib.

Ehtimal olunur ki, iş tankların alışı ilə məhdudlaşmayacaq. Belə ki, bu ilin aprel ayında Amerika hökuməti anbardan verilməsi nəzərdə tutulan 160 ədəd M1A1 tanklarının gövdəsi ilə bağlı Avstraliyanın sorğusunu təsdiqləmişdi. Bunlar 75 ədəd M1A2 SEPv3 Abrams tankların və digər texnikaların istehsalı üçün nəzərdə tutulub. Sövdələşmənin məbləği 1,685 milyard dollar təşkil edir.

2020-ci ilin məlumatlarına görə, Avstraliya ordusunun ixtiyarında 59 ədəd M1A1 Abrams tankları olub. Onlar 2004-cu ildə alınıb və 1976-cı ildən xidmətdə olan Leopard AS1 tanklarını əvəz edib. Son illər Avstraliya aktiv şəkildə ordusunu yeni texnikalarla silahlandırır.

M1 Abrams ABŞ-ın 1970-ci illərdə hazırlanan və 1980-ci illərdə seriya istehsalı ilə buraxılan əsas döyüş tankıdır. Tank ABŞ ordusu və dəniz qoşunları korpusunun silahlanmasında istifadə edilir.

M1A1 modifikasiyası isə 1984-cü ildə hazırlanıb.