BMT Baş katibi qərəzsiz olmalıdır - Rafael Qrossi

BMT-nin Baş katibi vəzifəsinə namizəd, Beynəlxalq Atom Enerjisi Agentliyinin baş direktoru Rafael Qrossi BMT rəhbəri vəzifəsində qərəzsizliyin vacibliyindən danışıb.

Herbiand.az xarici mənbələrə istinadən xəbər verir ki, Qrossinin təşkilatın qərargahında 21 apreldə keçirilən növbəti BMT Baş katibinin təyinatı ilə bağlı dinləməsinin videosu BMT-nin YouTube kanalında dərc edilib.

“Qərəzsizlik sadəcə zəruridir, bu, bir tərəfi və ya digər tərəfi tutmamaq deməkdir, çünki biz burada kiməsə dərs demək üçün deyil, [BMT] Nizamnaməsini qorumaq və sülhü və təhlükəsizliyi qorumaq üçün toplaşmışıq və bu, effektiv şəkildə edilməlidir. Bu baxımdan nümunələrim var, bu, Rusiya və Ukraynaya, eləcə də Yaxın Şərqə və s. aiddir”.

Eyni zamanda, BMT Katibliyinin dünya təşkilatının Nizamnaməsini öz mülahizəsinə uyğun olaraq şərh edib-etməməsi sualına cavab olaraq o dedi: “Əlbəttə ki, vahid sənəd olan və tam şəkildə oxunmalı olan Nizamnamənin şərhə ehtiyacı yoxdur. Ona hörmət edilməlidir və Baş katib vəzifəsinə seçilsəm, məhz bunu etməyə çalışacağam”.