Rusiyada fırıldaqçılar 9 May ərəfəsində veteranları hədəf alıblar

Qələbə Günü ərəfəsində fırıldaqçılar yaşlıları və onların ailələrini hədəf almağa kökləniblər.

Herbiand.az bildirir ki, bunu Rusiya Liberal Demokrat Partiyasının büdcə və vergilər komitəsinin sədr müavini, Dövlət Dumasının deputatı Kaplan Paneş deyib.

Deputat veteranları və onların ailə üzvlərini ayıq olmağa çağırıb: "Fırıldaqçılar zəng edərək özlərini Sosial Fondun və ya Sosial Təminatın işçiləri kimi təqdim edərək "bayram ödənişi" barədə məlumat verirlər və SMS vasitəsilə bank kartı məlumatlarını, kodları istəyirlər. Təqaüdçü kodu təqdim edən kimi fırıldaqçılar bütün pulları götürürlər".

Partiya üzvü qeyd edib ki, başqa bir sxemdə veterana xatirə medalı vəd edilir və məlumatları təsdiqləmək üçün linkə klikləməsi istənilir: “Link fişinq saytına aparır və məlumatlar daxil edildikdən sonra fırıldaqçılar hesablara giriş əldə edirlər”.

Kaplan Paneş vurğulayıb ki, əsl dövlət ödənişləri üçün heç vaxt kart məlumatlarını və ya SMS-dən kod istəmək üçün ilkin zənglər tələb olunmur: “9 May üçün veteranlara verilən 10.000 rubl məbləğində ödəniş heç bir sorğu olmadan avtomatik olaraq köçürülür. Medallar təntənəli tədbirlərdə təqdim olunur və ya evlərə çatdırılır, heç kim SMS vasitəsilə link göndərmir”.

Bəxtiyar CƏFƏRLİ