"The Independent": Ukraynanın yeni dron taktikaları Rusiya ordusunda xaos yaradır

Ukraynanın orta mənzilli dronlarla zərbələri Rusiya qüvvələrinin döyüş meydanında uğur qazanmasına mane olur. Müdafiə Qüvvələri cəbhə xəttinin onlarla kilometr arxasında yerləşən Rusiya hava hücumundan müdafiə sistemlərini və logistika obyektlərini hədəf alaraq qoşunların irəliləməsinə mane olur.

Herbiand.az bildirir ki, bu barədə "The Independent" qəzeti Ukrayna rəsmilərinə istinadən məlumat verir.

Qeyd olunur ki, son aylarda Ukrayna Rusiya ərazisinə zərbələr endirmək üçün getdikcə daha çox resurs ayırır. Bu zərbələr adətən cəbhə xəttindən 30-180 kilometr məsafədə baş verir.

Mənbələr jurnalistlərə bildiriblər ki, bu, Ukraynaya Rusiya radarlarını, hava hücumundan müdafiə sistemlərini, rabitə infrastrukturunu, logistika obyektlərini və Rusiya ərazisinin dərinliyindəki böyük hərbi texnikanı vurmağa imkan verib.

Ukraynanın Pilotsuz Sistemlər Qüvvələrinin komandanı Robert (Madyar) Brovdi jurnalistlərə bildirib ki, uzun mənzilli dronlar artıq düşmənin müdafiəsinə daha asanlıqla nüfuz edə və cəbhə xətlərinin çox arxasında yerləşən Rusiya neft obyektlərini vura bilər.

Bəxtiyar CƏFƏRLİ