Pentaqon: London öz əhalisinə ordusu üçün pul xərcləməyin vacibliyinə inandırmalıdır

Londonun öz ordusuna daha ciddi investisiya qoyması və ictimaiyyəti bunun vacibliyinə inandırması vaxtıdır.

Herbiand.az “Politico” nəşrinə istinadən bildirir ki, bu mesajı ABŞ Müdafiə Nazirliyinin siyasət şöbəsinin müdiri Elbric Kolbi səsləndirib.

Nəşr Vaşinqtondan açıq bir işarə qeyd edir: ABŞ Britaniyanın hazırkı hərbi xərclərinin səviyyəsindən məmnun deyil.

Kolbi açıq şəkildə bildirib ki, Böyük Britaniya hökuməti vətəndaşlarına müdafiə büdcəsini niyə artırmalı olduğunu izah etməli olacaq: "Britaniya xalqını necə inandıracağını dəqiq deməzdim. Böyük Britaniyanın etmək istədiyi ilə xərcləməyə hazır olduğu arasında yəqin ki, müəyyən dərəcədə güzəşt var, çünki müasir silahlı qüvvələrin ucuz olmadığını bilirsiniz".

Bəxtiyar CƏFƏRLİ