Advertisment

Yaponiyada zəlzələ baş verib, 20-dən çox insan xəsarət alıb

Yaponiyada 5,7 maqnitudalı zəlzələ baş verib.

“Kyodo” agentliyinin məlumatına görə, yeraltı təkanlar noyabrın 8-nə keçən gecə ölkənin qərbində, Sidzuoka prefekturası yaxınlığında qeydə alınıb.

Zəlzələnin ocağı 40 kilometr dərinlikdə yerləşib.

Yeraltı təkanlar nəticəsində 20-dən çox insan xəsarət alıb. Xəsarətlərin əsasən yıxılma zamanı yaranan əzik və sıyrıqlardan ibarət olduğu bildirilir. Yaralıların həyatına təhlükə yoxdur.

Zəlzələ səbəbindən dəmir yolu nəqliyyatının, o cümlədən “Şinkansen” sürət qatarlarının hərəkətində fasilələr yaranıb.

Yaponiyanın nüvə obyektlərində hər hansı fövqəladə hadisənin qeydə alınmadığı bildirilib.

APA