ABŞ-ın Rusiyaya əlavə təzyiq imkanı

ABŞ Ukraynaya qarşı müharibəni dayandırmaq üçün Rusiyaya təsir göstərmək üçün əlavə bir vasitə kimi iqtisadi təzyiqdən istifadə edir.

Herbiand.az xarici mənbələrə istinadən xəbər verir ki, Vaşinqton gələcək sülh danışıqlarında mövqeyini gücləndirmək üçün Rusiyanın neft nəhəngi LUKOIL-ın xarici aktivlərinin satışını qəsdən təxirə salır.

Reuters-in məlumatına görə, qərar ABŞ Maliyyə Nazirliyinin məsləhjəti ilə qəbul olunub. ABŞ hakimiyyəti bir daha LUKOIL-ın ümumi dəyəri təxminən 22 milyard dollar olan beynəlxalq aktivlərinin satışı ilə bağlı müqavilələrin bağlanması müddətini bu dəfə 1 aprelə qədər uzadıb.

Əsas şərt dəyişməz olaraq qalır: Rusiya şirkəti dərhal heç bir vəsait almayacaq. Potensial satışdan əldə edilən bütün gəlirlər xüsusi bloklanmış hesaba köçürülməli və ABŞ yurisdiksiyasının tam nəzarəti altında qalmalıdır. Beləliklə, ABŞ faktiki olaraq milyardlarla dolları "dondurur" və Moskvanın maliyyə imkanlarını məhdudlaşdırır.