KİV: Donald Trampın üzü Amerika pasportlarında olacaq

ABŞ prezidenti Donald Trampın portreti milli park keçidlərində göründükdən sonra şəkli Amerika pasportu üçün planlaşdırılır.

Herbiand.az bildirir ki, bu barədə Bulwark xəbər verir.

Dövlət Departamenti artıq əsas sənədin köklü yenidən dizaynını tamamlayır. Yeni dizayn siyasətçinin andiçmə portretini özündə birləşdirəcək və ABŞ-ın qurulmasının 250 illiyinin qeyd edilməsinin bir hissəsi olacaq.

Bloomberg agentliyinin baş siyasi müxbiri Annmari Hordern yenilənmiş sənədin maketini artıq X sosial media platformasında dərc edib. Pasportun bir səhifəsində Trampın portreti və imzası, digər səhifəsində isə Con Trambullun Müstəqillik Bəyannaməsinin imzalanması ilə bağlı məşhur rəsmi olacaq.

Bu pasportların verilməsinə yay ayında başlanması planlaşdırılır.

Bəxtiyar CƏFƏRLİ