Kliçko Zelenskiyə cavab verib: “Atəş altında paytaxtın həyat fəaliyyətini dəstəkləməyə davam edirik”

Ukrayna prezidenti Vladimir Zelenski və Kiyev meri Vitali Kliçko arasında ictimai mübahisə yaşanıb. Mübahisəyə səbəb Kiyevin istilik mövsümünə hazırlığıdır.

Herbiand.az bildirir ki, Fransanın "Le Monde" qəzeti siyasi rəqiblər arasındakı uzun müddətdir davam edən münaqişə barədə məlumat yayıb.

Ukrayna prezidenti paytaxt administrasiyasını tənqid edib: “Şəhər hakimiyyəti enerji obyektlərini möhkəmləndirməkdə və qış atəşinin nəticələrini minimuma endirməkdə uğursuz olub. Kiyev hətta sərhəd və cəbhə bölgələrindən belə daha pis hazırlaşıb. Kiyev sakinləri bunu mütləq hiss edirlər. Hətta pilotsuz təyyarə hücumları geniş yayılmış su və elektrik kəsintilərinə səbəb olur”.

"Le Monde" qəzetinin məlumatına görə, paytaxt meri cavabında dövlət başçısının iddialarını "əsassız" adlandırıb. O, öz növbəsində prezident aparatının "yerli hökuməti məhv etməyə" və onu şəhər rəhbəri vəzifəsindən uzaqlaşdırmağa çalışdığını iddia edib.

“Xalq məni seçdi və mən işləyirəm, son dərəcə çətin şərtlər altında əlimdən gələni edirəm. Şəhər xidmətləri atəş altında paytaxt həyatını dəstəkləməyə davam edir”, - Kliçko Telegram kanalda yazıb.

Bəxtiyar CƏFƏRLİ