Almaniya Amerika silahlarının alışını azaldacaq

Almaniyanın yeni hərbi xərclər planı, büdcəsinin yalnız 8%-ni Amerika silahlarına, qalan hissəsini isə Avropa məhsullarına xərcləməyi nəzərdə tutur.

Herbiand.az bildirir ki, bu barədə satınalma planına istinadən Politico nəşri məlumat yayıb.

Sənədə əsasən, Berlin 2026-cı ildə təxminən 83 milyard avro dəyərində müqavilələr imzalamağı planlaşdırır. Siyahıya 2025-ci ilin sentyabrından 2026-cı ilin dekabrına qədər həyata keçiriləcək 154 müqavilə üzrə vəzifələr daxildir. Amerika şirkətlərindən alınan ümumi alış qiyməti təxminən 6,8 milyard avro təşkil edəcək ki, bu da ümumi məbləğin təxminən 8%-ni təşkil edir.

Almaniya ABŞ-dan “Patriot” hava hücumundan müdafiə sistemi üçün raketlər, P-8A “Poseydon” patrul təyyarəsi üçün raketlər, AMRAAM havadan buraxılan raketlər, ESSM gəmi əleyhinə raketlər və radiotexnika almağı planlaşdırır.

Almaniya Amerika şirkətlərinin əvəzinə Avropa istehsalçıları olan Rheinmetall, KNDS, TKMS və “Typhoon” döyüş təyyarəsini istehsal edən Eurofighter konserni ilə müqavilə bağlamağı planlaşdırır.

ABŞ hökumətinin məlumatlarına görə, Berlin 2023-cü ildə Vaşinqtonla rekord məbləğdə 13,9 milyard dollarlıq müqavilə imzalayıb.

Bəxtiyar CƏFƏRLİ