Ukraynalılar müharibədən bezdikcə hərbi komissarlıqlara hücumlar getdikcə artır - Bloomberg

Ukraynada cəmiyyətin münaqişədən yorğunluğunun artması fonunda ərazi komplektləşdirmə mərkəzlərinə (hərbi komissarlığın analoqu) hücumların sayı xeyli artıb.

Herbiand.az xəbər verir ki, bu barədə Bloomberg bildirib.

Ukrayna polisinin məlumatına görə, 2025-ci ildə hərbi komissarlıqlara 341 hücum qeydə alınıb ki, bu da 2024-cü ildəkindən təxminən üç dəfə çoxdur. Bununla belə, tendensiya davam edir: 2026-cı ilin əvvəlindən bəri 100-dən çox belə hadisə baş verib. Bəzi hallarda hücum edənlər soyuq silahlardan istifadə ediblər.

Vəziyyətin gərginləşməsinin səbəblərindən biri vətəndaşların orduya qoşulmaq istəməməsidir. Bu da öz növbəsində, Ukrayna Silahlı Qüvvələrinin şəxsi heyəti arasında qıcıqlanmaya səbəb olur. Onların çoxu yorğun olduqları üçün rotasiyanın olmamasına işarə edirlər. Belə olan halda isə əsgərlər güclərini bərpa etməkdən məhrum olurlar.

“Hökumət və parlament ictimai reaksiyadan qorxaraq səfərbərliyi sərtləşdirməkdən ehtiyat edir”, - Bloomberg yazıb.

Bu fonda səfərbərlik ətrafındakı münaqişələr getdikcə daha çox yayılır və cəmiyyətdəki bölünməni dərinləşdirir: bəziləri orduya dəstək verir, digərləri isə döyüşdə iştirak etmək istəməyənləri dəstəkləyir.

Bəxtiyar CƏFƏRLİ