Pensionerin mənzilində silah arsenalı tapılıb

Sankt-Peterburqun Primorski rayonunda yaşayan 65 yaşlı sakinin mənzilində gizli arsenal tapılıb.

Herbiand.az bildirir ki, bu barədə Rusiya Daxili İşlər Nazirliyinin şəhər və Leninqrad vilayəti üzrə Baş İdarəsinin mətbuat xidməti məlumat verib.

Onun evində axtarış aparılıb və qumbaraya bənzər iki əşya, silah hissələrinə bənzər 18 əşya, iki tüfəng, ov tüfəngi, 2000-dən çox patron və bir qutu barıt aşkar edilərək müsadirə edilib.

Yoxlama zamanı məlum olub ki, 7,62 mm-lik patronlardan 75-i tüfəngli odlu silahlar üçün tapança kalibrli patronlardır və atəş açmaq üçün yararlıdır. Tüfəng Mosina olub, həmçinin 256,7 qram tüstüsüz barıt da tapılıb.

Arsenalın qadının adına qeydiyyatda olmadığı məlum olub. Ona qarşı Rusiya Federasiyası Cinayət Məcəlləsinin 222.1-ci maddəsinin 1-ci hissəsi və 222-ci maddəsinin 1-ci hissəsi ilə cinayət işi açılıb.

Bəxtiyar CƏFƏRLİ