Rusiyanın Ukraynaya gecə hücumları – ÖLƏNLƏR VAR

Rusiya qoşunları 13 maya keçən gecə Ukraynanın şimal-şərqindəki Xarkov şəhərinə PUA-larla hücum edib.

Herbiand.az xəbər verir ki, bu barədə şəhər meri İqor Terexov Telegram kanalında xəbər verib. O bildirib ki, iki zərbə qeydə alınıb, biri Şevçenkivski, digəri isə Xolodnohirski rayonlarında.

"Şevçenkivski rayonunda düşmən pilotsuz təyyarəsinin qalıqları yola düşüb; hazırda heç bir itki olmayıb. Xolodnohirski rayonunda düşmən infrastruktur obyektinə zərbə endirib; zərbə yerində yanğın baş verib. Hazırda itki barədə məlumat yoxdur."

Ukrayna Hərbi Hava Qüvvələri gecə vaxtı döyüş pilotsuz təyyarələrinin Xarkova doğru irəliləməsi barədə xəbərdarlıq edib. Bundan əlavə, Rusiya qüvvələrinin ballistik silahlardan istifadə etməsi təhlükəsi səbəbindən Kiyevdə və Ukraynanın əksər bölgələrində hava hücumu xəbərdarlıqları edilib.

Daha bir hücum Dnepropetrovsk vilayətində qeydə alınıb.

Vilayət Hərbi Administrasiyasının məlumatına görə, dron zərbəsi nəticəsində 8 nəfər ölüb, daha 11 nəfər yaralanıb.