Türkiyənin gəmiqayırma zavodu yeni nəsil ilk minaaxtaran gəminin inşasına başlayıb

Türkiyənin Dearsan Shipyard gəmiqayırma zavodunda Türkiyə Hərbi Dəniz Qüvvələri üçün YMAG sinifli yeni nəsil mina əleyhinə gəminin tikintisi başlayıb.

Herbiand.az bildirir ki, İstanbuldakı gəmiqayırma zavodunda gəminin gövdəsinin ilk polad kəsmə mərasimi uğurla keçirilib.

Tədbirdə Türkiyə Hərbi Dəniz Qüvvələrinin və Müdafiə Sənayesi İdarəsinin yüksək vəzifəli şəxsləri iştirak ediblər.

Dearsan Shipyard gəmiqayırma zavodundan verilən məlumata görə, YMAG proqramı müasir texnologiyalar və imkanları özündə birləşdirən dəniz tikintisində sıçrayışı təmsil edir. Gələcək gəmilər dənizdəki təhdidləri aşkar etmək və zərərsizləşdirmək üçün qabaqcıl pilotsuz yerüstü və sualtı vasitələrdən istifadə etməklə təhlükəsizliyi artırmaq üçün nəzərdə tutulub.

Qabaqcıl minaaxtaran gəmilər Fransadan alınan Engin sinifli mina əleyhinə gəmiləri tədricən əvəz edəcək. İlk minaaxtaran gəminin 2028-ci ildə xidmətə girəcəyi gözlənilir.

Gəminin uzunluğu 80 metr, eni 16,6 metr metr olacaq. Korpus və üst quruluş qeyri-maqnit poladdan hazırlanacaq. Ekipajın sayı təxminən 60 nəfərdir (əlavə 30 nəfər də yerləşdirilə bilər).

Minaaxtaran gəmi öz təhlükəsizliyini qorumaq üçün 25 mm-lik artilleriya sistemi və ASELSAN-ın istehsalı olan 12,7 mm-lik iki STAMP-2 uzaqdan idarə olunan silah stansiyası ilə silahlanacaq.

Bəxtiyar CƏFƏRLİ