Nevada ştatındakı nüvə sınaq meydanı “pas yığını” adlandırılıb

ABŞ-ın Nevada ştatında yerləşən hərbi poliqonun keçmiş işçiləri bildiriblər ki, avadanlıqlar xarab olduğundan orada fiziki nüvə sınaqları keçirmək mümkün deyil.

Herbiand.az bildirir ki, bu barədə Washington Post qəzeti yazıb.

Bir neçə sınaqda iştirak etmiş nüvə sahəsi üzrə keçmiş məmur Pol Dikman qeyd edib ki, kadr təminatı ciddi problem olaraq qalır: “Sınağın rəhbərləri bürokrat deyil, böyük praktiki təcrübəyə malik mütəxəssislərdir”.

Təlim meydançasında sonuncu yeraltı nüvə sınağı 1992-ci ilin sentyabrında baş tutub.

Bu yaxınlarda sınaq meydançasına gələn insanlar tunel avadanlığını “pas yığını” kimi təsvir ediblər. Bir neçə keçmiş məmur hesab edir ki, sınaq meydançasının təmiri və bərpası bir neçə il çəkə bilər.

Bəxtiyar CƏFƏRLİ