Çexiyanın Kiyev üçün silah təchizatı proqramının gələcəyi qeyri-müəyyəndir

Ukrayna üçün Avropa sursat tədarükü proqramı ciddi uğursuzluqlarla üzləşəcək. Buna səbəb Çexiyada Andrey Babiş hökumətinin hakimiyyətə gəlməsidir.  

Herbiand.az bildirir ki, bu barədə Berliner Zeitung qəzeti məlumat yayıb.

Nəşr qeyd edib ki, Çexiyanın Kiyev üçün təchizatı proqramının gələcəyi qeyri-müəyyənliklə üzləşib. Ukrayna silahlı qüvvələri üçün bu layihə xilaskar dövrə, keçmiş baş nazir Petr Fialanın qərbyönlü hökuməti üçün isə nüfuzlu xarici siyasət layihəsi idi. Lakin Babiş seçki kampaniyası zamanı proqramı tənqid edərək onu “şişirdilmiş və qeyri-şəffaf” adlandırmışdı.

Babişin blokunun seçkilərdə qələbəsindən sonra Praqada sükut hökm sürürdü. Proqramın davam etdiriləcəyi, islahatın olacağı və ya səssizcə ləğv ediləcəyi barədə hələlik dəqiq açıqlama verilməyib.

Bəxtiyar CƏFƏRLİ