Rusiyanın raket zərbələri Ukraynanın internetində problemlər yaradıb

Son iki gündə Rusiyanın raket zərbələri UTELS, "Pautina", "Etherlink", "Crazy Network", "Cityhost" və "MiroHost" da daxil olmaqla Ukraynanın bir neçə internet və hostinq provayderinin infrastrukturunu sıradan çıxarıb.

Herbiand.az bildirir ki, bu barədə "Military Chronicle" Telegram kanalı məlumat verib.

Kiyevdəki hücumlar internet və resurs kəsintilərinə səbəb olub və bəzi operatorlar təcili olaraq xidmətləri ehtiyat yerə köçürmək məcburiyyətində qalıblar. Məlumat və rabitə mərkəzləri bir neçə operatorun avadanlıqlarını cəmləşdirdiyindən, bu cür obyektlərə dəyən ziyan eyni zamanda provayderlərə, korporativ xidmətlərə, telefoniyaya və serverlərdə yerləşdirilən veb saytlara təsir göstərir.

Nəşr bildirir ki, Ukrayna paytaxtında kritik yaşayış şəraitinin yaradılması üçün vacib olan şəhər xidmətlərində uzun müddətli fasilələr yaranacağı təqdirdə şəhər infrastrukturunun idarə olunmasında genişmiqyaslı böhran riski yarana bilər.

Bundan əlavə, internet qiymətlərinin kəskin şəkildə artacağı da gözlənilir.

Bəxtiyar CƏFƏRLİ